Noyer diskvalifikasiya qilinishi kutilmoqda

Manuel Noyer Germaniya kubogi doirasidagi ikkita o‘yinga diskvalifikasiya qilingani haqida apellyasiya berdi.

"Bavariya" darvozaboni turnirning 1/8 finalida "Bayer"ga qarshi o‘yinda (0:1) Jeremi Frimpongni jarima maydonchasi tashqarisida yiqitib, to‘g‘ridan-to‘g‘ri qizil kartochka oldi.

Germaniya futbol assosiasiyasi (DFB) payshanba kuni Noyerning Germaniya kubogi uchun ikki o‘yinga diskvalifikasiyasini ko‘rib chiqadi va Manuel uchrashuvda shaxsan va video aloqa orqali qatnashmoqchi.

Avvalroq Noyer qovurg‘asi singanligi sababli yil oxirigacha maydonga tushmasligi ma’lum bo‘lgandi.