Viyeyra Balotelli nega maydonga tushmayotganini aytdi

"Jenoa" bosh murabbiyi Patrik Viyeyra "Lechche"ga qarshi o‘yindan so‘ng (0:0) 34 yoshli hujumchi Mario Balotellining o‘yin vaqti kamligi haqidagi savolga javob berdi.

"Mario o‘yinda ishtirok etmagan boshqa o‘yinchilar kabi muhim futbolchi. Zaxirada boshqa futbolchilarimiz bor. Biz bir jamoamiz va barchamiz muhimmiz. Men bu qarorni bugun qabul qildim, ertaga u o‘zgarishi mumkin. Klub va jamoa eng muhim narsa. Agar buni tushunsak, bugungidek muhim ishlarni qilamiz", - dedi Viyeyra.

Balotelli "Jenoa"ga oktyabr oyi oxirida erkin agent sifatida qo‘shilgan edi.