Vinisius La Ligada noyabr oyining eng yaxshi futbolchisi deb topildi
"Real Madrid" vingeri Vinisius Junior noyabr oyida Ispaniya La Ligasining eng yaxshi futbolchisi deb topildi. Bu haqda turnir matbuot xizmati X ijtimoiy tarmog‘ida xabar bermoqda.
Shu oyda braziliyalik futbolchi Ispaniya chempionatining ikkita o‘yinida qatnashib, uchta gol va bitta golli uzatmani amalga oshirdi.
Umuman olganda, Vinisius joriy mavsumda barcha turnirlarda 18 ta o‘yin o‘tkazib, 12 ta gol urdi va 8 ta golli uzatmani amalga oshirdi.
