Keyn 2,5 yil ichida ilk bor ketma-ket 4 ta o‘yinda gol urmadi

«Bavariya» va Angliya terma jamoasi hujumchisi Xarri Keyn golsiz seriyasini uzaytirdi.

31 yoshli futbolchi Millatlar ligasi doirasida Finlyandiyaga qarshi o‘yinda maydonga tushdi, ammo gol ura olmadi va 69-daqiqada almashtirildi. «Uch sherlar» hujumi yetakchisi «Bavariya»ning «Ayntraxt», «Aston Villa» va «Bayer» bilan oldingi uchrashuvlarida ham gol urmagandi.

Keyn ikki yarim yil ichida birinchi marta ketma-ket to‘rtta o‘yinda gol ura olmadi. Avvalroq futbolchi 2022 yilning martidan apreliga «Tottenxem» safida ketma-ket 5 o‘yinni golsiz o‘tkazgandi.