"Real Madrid"ning asosiy transfer maqsadlari ma’lum bo‘ldi

AS sahifalarida "Real Madrid"ning 2025 yil uchun tarkibni kuchaytirish rejalari haqida material chop etildi.

Unda aytilishicha, markaziy himoyani kuchaytirish klub uchun endi ustuvor vazifa emas, chunki Raul Asensio va Aureliyen Tchuameni bu pozisiyada o‘ynashga moslashgan.

Chap qanot himoyachisi Alfonso Devis bilan shartnoma imzolash Ferlan Mendi va Fran Garsiyani hisobga olgan holda ham ustuvor vazifa emas.

"Real Madrid"ning ikkita asosiy transfer maqsadi - o‘ng qanot himoyachisi va markaziy yarim himoyachi olish.

O‘ng qanot himoyasi uchun favorit "Liverpul" futbolchisi Trent Aleksandr-Arnold. Yarim himoyachi variantlariga kelsak, "Los Blankos" Toni Kroosning o‘rnini bosa oladigan futbolchi topmoqchi.

"Real Sosyedad" futbolchisi Martin Subimendi va "PSJ" futbolchisi Vitinya hozircha "qaymoqranglilar"ning e’tibor markazida bo‘lib turibdi.