Amorim - Reshfordning yo‘qligi haqida: "O‘z g‘oyamga oxirigacha sodiq qolaman"

Hujumchi Markus Reshford bosh murabbiy Ruben Amorim tomonidan "Manchester Yunayted"ning so‘nggi to‘rtta o‘yinida qaydnomaga kiritilmadi. "Vulverxempton"dan uchralgan mag‘lubiyatdan so‘ng (0:2) mutaxassis Reshfordning yo‘qligi haqida fikr bildirdi.

"Bu har doim bir xil sababga ko‘ra sodir bo‘lmoqda. Biz g‘alaba va mag‘lubiyatlardan keyin ham professional bo‘lishimiz kerak. Mag‘lubiyatga uchrasak, kuchliroq bo‘lishimiz kerak. Men o‘z g‘oyamga oxirigacha sodiq qolishda davom etaman.

Reshford tarkibdan tushirilganidan keyin nimadir ko‘rsatdimi? Agar u yo‘q bo‘lsa, xulosa chiqarishingiz mumkin", - deya Amorim so‘zlarini keltiradi BBC.