Kimmix "Leypsig" ustidan qozonilgan o‘ta yirik g‘alabaga munosabat bildirdi
"Bavariya" yarim himoyachisi Joshua Kimmix jamoasining "RB Leypsig"ga (5:1) qarshi o‘yindagi harakatlari haqida gapirdi.
"Biz ajoyib o‘yin o‘tkazdik. Start juda kuchli bo‘ldi, raqiblarimiz tezda o‘yinga qaytganiga qaramay, bizning munosabatimizni hamma ko‘rdi. Mavsumdagi eng yomon o‘yinimizni "Mayns"ga qarshi o‘tkazgandek his qildik va bugun butunlay boshqacha bo‘ldi. Reaksiyani ko‘rsatish muhim edi. Endi biz uyga xursand holda qaytamiz", dedi Kimmix.
