"Real Madrid" "Liverpul"ga muhim xabarni e’lon qildi

Angliya terma jamoasi va "Liverpul"ning qanot himoyachisi Trent Aleksandr-Arnold "Real Madrid"ning asosiy transfer nishoni hisoblanadi. Bu haqda Talksport jurnalistlari xabar bermoqda.

Manbaga ko‘ra, "Qirollik" klubi mersiysaydliklarni futbolchiga ega bo‘lish niyati haqida allaqachon xabardor qilgan. "Real" bu haqda xabar bermasligi mumkin edi, chunki himoyachi muddati tugayotgan shartnomaga ega va u yanvar oyidan boshlab boshqa klublar bilan erkin muzokaralar olib borishi mumkin. Biroq "qaymoqranglilar" ingliz grandiga hurmat ko‘rsatishga qaror qilishdi.

Joriy mavsumda Aleksandr-Arnold "Liverpul" safida 15 ta o‘yin o‘tkazib, ikkita golli uzatmani amalga oshirdi. Transfermarkt portali uning narxini 70 million yevroga baholamoqda.