"Barselona" vingeri jarohat oldi

"Barselona" vingeri Ferran Torres mushaklaridan jarohat oldi.

Bu haqda Kataloniya klubi matbuot xizmati xabar berdi. Ta’kidlanishicha, 24 yoshli futbolchi mashg‘ulotlar vaqtida jarohat olgan.

Tibbiy ko‘rikdan so‘ng Torresning mushaklarida muammolar borligi ma’lum bo‘ldi. Ispaniyalik futbolchining safga qaytish vaqti oshkor etilmagan.

Joriy mavsumda Torres barcha turnirlarni hisobga olgan holda 16ta o‘yinda qatnashib, beshta gol urdi va ikkita golli uzatmani amalga oshirdi.