"Roma" "Milan" vingerini to‘liq sotib olmoqchi
"Roma" "Milan"dan vinger Aleksis Salemakersni sotib olishi mumkin, deya xabar beradi Nikolo Skira.
Manbaga ko‘ra, klub futbolchining o‘yinidan mamnun va uni saqlab qolish niyatida. "Rossonerilar" futbolchini 15-18 million yevroga baholamoqda.
Salemakers 2020 yil sentyabrida "Milan" bilan shartnoma imzolagan va "Anderlext"dan 7 million yevro evaziga klubga o‘tgan. Futbolchining klub bilan amaldagi shartnomasi 2026 yilning yoziga qadar mo‘ljallangan.
2024/25 yilgi mavsumdan boshlab belgiyalik futbolchi "Roma"da ijara asosida o‘ynamoqda.
