Van Deyk "Liverpul" bilan shartnomasini uzaytirishi mumkinligi haqida gapirdi
"Liverpul" markaziy himoyachisi Virjil van Deyk klub bilan shartnomasini uzaytirishi mumkinligi haqidagi savolga javob berdi.
"Qaror qabul qilish uchun bizda muddat yo‘q. Keling, kelajak nima olib kelishini ko‘rib chiqaylik. Yangilik bormi? Yo‘q", - deya van Deyk so‘zlarini keltiradi jurnalist Fabrisio Romano.
Joriy mavsumda 33 yoshli himoyachi barcha turnirlar doirasida 22 ta uchrashuvda ishtirok etib, 2 ta gol urdi va bitta golli uzatmani amalga oshirdi.
Van Deykning “Liverpul” bilan amaldagi shartnomasi 2025 yilning iyunida yakuniga yetadi.
