Van Deyk kelajagi bo‘yicha qaror qabul qildi

«Liverpul» himoyachisi Virjil van Deyk kelajagi borasida bir qarorga keldi. «Anfield Watch» xabariga ko‘ra, niderlandiyalik futbolchi shartnomasini uzaytiradi va mersisaydliklar jamoasida sardor sifatida o‘ynashda davom etadi.

Manbaga ko‘ra, van Deykning agenti endi manfaatdor klublarga uning mijozi boshqa transferga tayyor emasligi haqida xabar bermoqda. «Liverpul» tez orada van Deyk bilan shartnoma uzaytirilganini rasman e’lon qilishi kerak.

33 yoshli Virjil van Deykning amaldagi shartnomasi 2024/2025 yilgi mavsum oxirigacha amal qiladi.