Evra Ronaldu hech qachon o‘tmaydigan klubni aytdi

"Manchester Yunayted"ning sobiq futbolchisi Patris Evra Krishtianu Ronaldu "PSJ"ga o‘tishi mumkinmidi, degan savolga javob berdi.

"Krishtianu qachondir "PSJ"ga o‘tishni xohlaganmi? Ha. Unga qiziqqanlar orasida "PSJ", "Arsenal" bor edi... Bu "Yuventus" bilan shartnoma imzolashdan oldin edi. Unda "Chelsi", "Yuventus", "PSJ" klublaridan takliflar bor edi. Portugaliyalik futbolchi hech qachon "Arsenal"ga o‘tmasligini aytdi. U Parij loyihasi bilan qiziqdi. Siz Krishtianuni tanqid qilishingiz mumkin, lekin u moslashardi. U kuchini sarflardi. Saudiya Arabistonida nima qilayotganiga qarang. U saudiyalik!" - dedi Evra.

Premer-ligada Krishtianu Ronaldu faqatgina "Manchester Yunayted" sharafini himoya qildi. Portugaliyalik futbolchi “qizil iblislar” safida 346 ta o‘yin o‘tkazib, 145 ta gol urgan va 64 ta golli uzatmani amalga oshirgan.