Mourinyo «Real»ga qaytishga tayyormi? Murabbiy javob berdi

«Fenerbaxche» bosh murabbiyi Joze Mourinyo kelajakda «Real»ga qaytishga tayyormi yoki yo‘qligini aytdi.

Portugaliyalik mutaxassis 2010-2013 yillarda «Los-Blankos»ni boshqargan. Uning qo‘l ostida jamoa 2011/12 yilgi mavsumda Ispaniya chempioni bo‘ldi.

«Men har doim «Real Madrid»ning ashaddiy muxlisi bo‘lib qolaman. Ularda hozir dunyodagi eng yaxshi murabbiy bor, do‘stim Karlo. U yaxshi ishlayapti. Kelajakda hammasi ular qanday murabbiyni ko‘rishni xohlashlariga bog‘liq bo‘ladi. Klub Xabi Alonsodek katta salohiyatga ega yosh mutaxassisni qidiradimi yoki jamoa boshqaruviga boshqacha yondoshadigan tajribali murabbiyni taklif qilmoqchimi», - deya Mourinyoning so‘zlaridan iqtibos keltiradi «Cadena SER».