"Manchester Siti" va "Chelsi" KO‘JCHdan qancha mablag‘ ishlab olishi ma’lum bo‘ldi

"Manchester Siti" va "Chelsi" klublarining klublar o‘rtasidagi jahon chempionatida ishtirok etishi uchun oladigan mukofot puli miqdori ma’lum bo‘ldi.

Eslatib o‘tamiz, FIFA kelasi yil yozida AQSHda ilk bor klublar o‘rtasidagi jahon chempionatini yangi formatda o‘tkazadi va turnirning 32 nafar ishtirokchisi orasida Premyer-liganing ikki vakili bor.

FIFA yaqinda klublar o‘rtasidagi jahon chempionati guruh bosqichiga qur’a tashlash marosimini o‘tkazdi va endi DAZN teleradiokompaniyasi bilan shartnoma imzoladi, u musobaqani 14 iyundan boshlab translyasiya qiladi.

DAZN bilan shartnoma 1 milliard dollarga (783 million funt sterling) baholangan bo‘lib, bu "Manchester Siti" va "Chelsi"ning har biriga 50-60 million funt sterling mukofot puli kafolatlanadi, deb xabar beradi Daily Mail.