Edegor: "Arsenal" o‘yinning aksariyat qismida ustunlik qildi"

Martin Edegor "Arsenal" "Fulxem"ni mag‘lub eta olmaganidan xafa. APLning 15-turidan o‘rin olgan uchrashuv 1:1 hisobida yakunlandi.

"O‘yinning aksariyat qismida biz ustunlik qildik. Birinchi bo‘lim unchalik omadli o‘tmadi. Ikkinchi bo‘lim ancha yaxshi o‘tdi. G‘alaba qozona olmaganimiz achinarli. Yakunda gol urishga yaqin turgandik. Bugun biz yetarlicha harakat qilmadik. Saboq olishimiz va keyingi o‘yinda tiklanishimiz kerak.

Bizni boshqa jamoalar qiziqtirmaydi. Oldinda juda uzoq yo‘l bor. Biz o‘yindan o‘yinga kuchayish lozimligini yuzlab marta aytdik”, - dedi “Arsenal” sardori.