Amorim: "Premyer-ligada g‘alaba qozonish uchun quturgan itlar kabi yugurishimiz kerak"

"Manchester Yunayted" bosh murabbiyi Ruben Amorim mankunianliklar APLda g‘alaba qozonish uchun nimalarni yaxshilashlari kerakligini tushuntirib berdi.

"Premyer-ligada doimiy kurashadigan, tez qaytadigan va tez oldinga chiqadigan jamoasiz g‘alaba qozonib bo‘lmaydi. Mumkin emas. Agar g‘alaba qozonishni istasak, buni qilishimiz kerak.

Agar sizda sayyoradagi eng yaxshi jamoa bo‘lsa ham, ular yugurmasa, hech narsa yuta olmaydi. Bu butunlay ravshan. Agar biz Premyer-ligada g‘alaba qozonishni istasak, quturgan itlar kabi yugurishimiz kerak", - deya Amorimning so‘zlarini keltiradi "Manchester Yunayted" matbuot xizmati.

APLning 14-turidan keyin “Manchester Yunayted” 19 ochko bilan turnir jadvalida 13-o‘rinda bormoqda.