Konate kamsitilishlardan xunob bo‘ldi

Ibrohima Konate o‘zining va Muhammad Salohning kamsitilishi haqida gapirdi.

“Fransiya terma jamoasida o‘ynaganim qayg‘uli tajribadan qochishimga to‘sqinlik qilmaydi. Misol uchun, aeroportda Liverpulga qaytganimda, oldinda bo‘lishim va tezroq o‘tishim uchun biznes-klass chiptasini olaman.

Sharl de Goll aeroportiga yetib kelganimda, hali chiptaga ham qaramagan xodim meni boshqa qatorga [ekonom-klassga] yo‘naltiradi. Nega? Biznes-klassda men kabi odamga joy yo‘q ekan.

Bir kuni Saloh Parijga keldi va aeroportdagilar uning kimligini bilishmadi. Do‘konda xodimlar u bilan gaplashishdi... Aytaylik, kamsituvchi ohangda.

Muhammad Saloh nihoyatda sabrli inson va bunday vaziyatlarga hech qanday munosabat bildirmaydi. U o‘z qadr-qimmatini biladi va biz yashayotgan dunyoni boricha qabul qildi. Sayohatchi uni taniganida, xodimlarning ohangi tubdan o‘zgardi: “Oh, janob Saloh, sizga nima kerak?”.

Bizda hurmatga sazovor bo‘lish uchun siz mashhur odam bo‘lishingiz kerak", - dedi "Liverpul" va Fransiya terma jamoasi himoyachisi.