Mbappe «Real» safidagi 10-golini urdi
Kilian Mbappe La Ligada qatorasiga ikkinchi o‘yinda gol urdi.
«Real» hujumchisi «Xetafe»ga qarshi o‘yinning 38-daqiqasida Jud Bellingemning uzatmasidan unumli foydalandi va uzoqdan yo‘llagan zarbasi bilan jamoasining hisobdagi farqini 2:0ga yetkazdi.
O‘tgan turda fransiyalik futbolchi «Leganes» darvozasiga gol urgandi. Uning madridliklar safida jami 10 ta goli bor, shundan 8 tasi Ispaniya chempionatida.
