"Arsenal" Ispaniya terma jamoasi vingeriga da’vogar
Londonning "Arsenal" klubi "Vilyarreal" vingeri Aleks Baenaga qiziqish bildirmoqda.
"Kanonirlar" o‘tgan mavsumda "sariq suvosti kemasi" yetakchisiga da’vogarlar qatoriga kirgandi, biroq aniq muzokaralar olib borilmadi. Jurnalist Ekrem Konurning xabar berishicha, 23 yoshli futbolchiga "Arsenal" qiziqishda. Ispaniyalik futbolchining o‘zi London klubiga o‘tishga tayyor.
Transfermarkt ekspertlari tomonidan 50 million yevroga baholangan Aleks Baena joriy La Ligada 11 uchrashuvda bitta gol urdi va beshta golli uzatmani amalga oshirdi.
