Keyn xet-trik haqida o‘z fikrlarini bildirdi
"Bavariya" hujumchisi Xarri Keyn "Augsburg" ustidan qozonilgan g‘alabadan so‘ng (3:0) intervyu berdi.
"Biz tanaffusda pressingni davom ettirish va imkoniyatlar yaratish haqida gaplashdik. Xayriyatki, penalti ishlab oldik, shundan so‘ng o‘yin ochildi.
Oldinda eng muhim uchrashuvlar turibdi: Chempionlar ligasida "PSJ", keyin chempionatda "Borussiya" va kubokda "Bayer". Biz yaxshi formadamiz, o‘zimizni ajoyib his qilyapmiz va xuddi shu ruhda davom etishimiz kerak", - dedi Keyn DAZN nashriga.
