Bernardu Silva: «Ikkinchi bo‘limda o‘zimiz istagan o‘yinni ko‘rsatdik»

Portugaliya terma jamoasi yarim himoyachisi Bernardu Silva Millatlar ligasi guruh turnirida Polshaga qarshi kechgan o‘yinni sarhisob qildi (5:1).

«Guruhda birinchi o‘rinni egallashdan juda xursandman, bu bizning maqsadimiz edi. Biz vaqtni juda yaxshi o‘tkazdik, ko‘p gol urdik, shunday o‘ynayotganimizda jamoamizni to‘xtatib bo‘lmaydi. Uchrashuvning birinchi yarmi ancha yomon bo‘ldi, ammo ikkinchi yarmi juda yaxshi o‘tdi va biz g‘alaba qozonganimizdan xursandmiz. Biz Polshaga o‘zimiz xohlagancha bosim o‘tkaza olmadik, ammo ikkinchi bo‘limda biz hammasini to‘g‘rilab, vaziyatni yaxshilay oldik», - deya Silva so‘zlarini keltirmoqda UEFA rasmiy sayti.