Bernardu Silva: "Biz yana g‘alaba qozonishni boshlashimiz kerak"

"Manchester Siti"ning hujumkor yarim himoyachisi Bernardu Silva klubning so‘nggi natijalari haqida gapirdi.

"Albatta, biz turnirlarni ajratmaslikka harakat qilamiz, ammo kubokdagi "Tottenxem"ga qarshi o‘yindagi mag‘lubiyatni qabul qilish osonroq bo‘ldi. "Bornmut" bilan o‘yin natijasi juda achinarli bo‘ldi, chunki Angliya Premyer-ligasi biz uchun asosiy turnir. "Bornmut" bizdan ustun keldi, ular hamma narsada bizdan yaxshiroq edi: shiddatlilik, kurash.

Biz yana g‘alaba qozonishni boshlashimiz kerak, chunki so‘nggi yillarda belgilagan standartlar bizdan faqat g‘alaba qozonishni talab qiladi", - deya Silva so‘zlarini keltirmoqda Sky Sports.

Ertaga Pep Gvardiola shogirdlari Chempionlar ligasi doirasida "Sporting"ga qarshi bahs olib boradi.