Urugvay JCH saralashida ikkinchi o‘ringa ko‘tarildi

Urugvay terma jamoasi jahon chempionati-2026 saralashida ikkinchi o‘ringa ko‘tarildi.

Bugun Marselo Byelsa jamoasi Kolumbiyani 3:2 hisobida mag‘lub etdi, 101-daqiqada g‘alaba golini «Manchester Yunayted» xavbeki Manuel Ugarte kiritdi.

11 turdan so‘ng Urugvay va Kolumbiya 19 ochko to‘pladi, ammo urugvayliklar to‘plar farqi bo‘yicha raqiblaridan oldinda.

Argentina terma jamoasi 22 ochko bilan turnirda peshqadamlik qilmoqda. Braziliya 17 ochko bilan 4-o‘rinni egallab turibdi.