Keyn Bundesligada yaqqol to‘purarga aylanib oldi
Xarri Keyn Bundesliga mavsumidagi 12, 13 va 14-gollarini urdi.
"Bavariya" hujumchisi "Augsburg"ga uch marta gol urdi (3:0). Ikkita gol penaltidan kiritildi: 63- va 93-daqiqalarda.
Bu gollar Keyn uchun Bundesliga mavsumidagi 12, 13 va 14-gollari bo‘ldi. U "Ayntraxt"dan Omar Marmushni 3 ta golga ortda qoldirib, to‘purarlar ro‘yxatida birinchi o‘ringa chiqdi.
Bundan tashqari, Keyn barcha turnirlarda ketma-ket 24 va 25-penaltilarni amalga oshirdi. Ingliz oxirgi marta 2022 yil dekabr oyida Fransiyaga qarshi JCH chorak finalida (1:2) nuqtadan gol urmagan edi.
