"Chelsi" "Liverpul" posbonini sotib olmaydi
Mish-mishlardan farqli o‘laroq, "Chelsi" "Liverpul" darvozaboni Kuivin Kellexerni sotib olishni rejalashtirmayapti.
Xabaringiz bor, Kellexer birinchi raqamli bo‘lish istagini yashirmaydi - "Liverpul"da yoki boshqa joyda.
"Liverpul"da bu Kellexer uchun qiyin, chunki "qizillar"ning asosiy darvozaboni hozirda jarohat olgan Alisson bo‘lib qolmoqda, keyingi yozda esa Giorgi Mamardashvili "Valensiya"dan "Enfild"ga keladi.
Bu kelasi yozda "Chelsi" Kellexerni 35 million funt sterlingga sotib olishi mumkinligi haqidagi mish-mishlarga sabab bo‘ldi.
Biroq, nufuzli jurnalistlar Ben Jeykobs va Fabrisio Romano bir ovozdan "Chelsi"ning bunday niyati yo‘qligini va hatto 25 yoshli irlandiyalik futbolchi bilan qiziqmayotganini ta’kidlamoqda.
"Chelsi" bosh murabbiyi Enso Mareska Robert Sanchesning so‘nggi bosqichdagi o‘yinidan mamnun va "Brayton"ning sobiq darvozaboniga ishonishni rejalashtirmoqda.
