Mareska Fernandesni nega almashtirilganini tushuntirdi

"Chelsi" bosh murabbiyi Enso Mareska Konferensiya ligasi doirasida armanistonlik "Noa"ga qarshi o‘yinda yarim himoyachi Enso Fernandesning almashtirilganini tushuntirdi.

So‘nggi paytlarda Fernandes Mareska bilan ziddiyatga tushib qolgani va yanvarda "Chelsi"ni tark etishi mumkinligi haqidagi mish-mishlar tinmayapti.

Bu taxminlarga qaramay, Ernandes kecha "Chelsi"ning asosiy tarkibida maydonga tushdi va 9 daqiqa ichida 3 ta golli uzatmani amalga oshirdi.

Mareska tanaffusda 23 yoshli argentinalik futbolchini almashtirgan bo‘lsa-da, bu qaror faqat taktik sabablarga ko‘ra qabul qilingan.

"U yaxshi. Bu shunchaki texnik qaror edi. Boshqa hech narsa emas. Hammasi yaxshi edi", - dedi Mareska Evening Standard bilan suhbatda.