"MYU" ten Xag qo‘l ostida yangi xaridlar uchun pul sarflash borasida faqat "Chelsi"dan ortda qoldi

Erik ten Xag davrida faqat "Chelsi" transferlar uchun "Manchester Yunayted"dan ko‘proq mablag‘ sarflagan.

Niderlandiyalik mutaxassis 2022 yilning yozida "qizil iblislar"ni qabul qilib olgandi va bugun u iste’foga chiqarildi.

Sky Sports nashri hisob-kitoblariga ko‘ra, "mankunianliklar" ten Xag qo‘l ostida 616,8 million funt sterlingga yangi futbolchilar sotib olgan. Bu davrda faqat "Chelsi" APLda ko‘proq pul sarflagan - 1,3 mlrd.

"Tottenxem" 557,5 million, "Arsenal" - 490 million, "Vest Xem" - 449,3 million, "Manchester Siti" - 399,2 million, "Nottingem Forest" - 376 million, "Nyukasl" - 344,3 million, "Liverpul" - 343,4 million, "Brayton" - 321 million to‘lagan.