Sane: "Virs aql bovar qilmas mahorat ko‘rsatdi"
"Bavariya" futbolchisi Leroy Sane Florian Virsning klubga o‘tishi mumkinligi haqidagi fikrlari bilan o‘rtoqlashdi.
"Bayer"ning 21 yoshli hujumkor yarim himoyachisi kelasi yozda "Bavariya"ning asosiy transfer maqsadiga aylanadi.
"Florian - ajoyib o‘yinchi, lekin men uning kelajak rejalarini bilmayman. U bilan Germaniya terma jamoasida o‘ynash menga nasib etdi.
Men uni birinchi marta terma jamoada ko‘rganimda qoyil qolganman. U darhol aql bovar qilmas mahorat ko‘rsatdi", - dedi myunxenliklarning 28 yoshli vingeri.
