Bruno: "Jamoamizda o‘yin natijasini hal qiladiganlar ko‘p"

Alexandro Garnacho muxlislarning munosabati tufayli golni nishonlamadi.

"Manchester Yunayted" APLning 11-turida "Lester"ni mag‘lub etdi (3:0). Garnacho 82-daqiqada Bruno Fernandeshning uzatmasidan jamoaning yakuniy golini urdi, ammo golni nishonlamadi va xotirjamlik bilan maydon markaziga qarab yurdi. Bunga Bruno munosabat bildirdi. 

"Garnacho ajoyib gol urdi, lekin nishonlamadi, chunki u muxlislarning ishonchini yo‘qotdim deb o‘yladi.

Men unga aytdimki, odamlar doimo nolishadi, lekin ko‘p odamlar sizni yaxshi ko‘radilar va qilayotgan ishingizdan zavqlanadilar. Men undan nishonlashni so‘radim, bu alohida narsa edi.

U o‘ziga xos futbolchi, jamoamizda o‘yin natijasini hal qiladiganlar ko‘p. Aynan ular bizga g‘alaba keltirmoqda”, - dedi “Manchester Yunayted” yarim himoyachisi Bruno Fernandesh.