Kovachich Rodrining o‘rnini bosish haqida gapirdi
«Manchester Siti» yarim himoyachisi Mateo Kovachich oldida Rodrining o‘rnini yopish vazifasi turibdi.
Yaqinda «Oltin to‘p» sohibi bo‘lgan ispaniyalik xavbek sentyabr oyida «Arsenal»ga qarshi o‘yinda jarohat olgandi. Xochsimon bog‘lamning uzilishi tufayli u mavsumning qolgan qismini o‘tkazib yuboradi.
«Rodrining o‘rnini egallash - juda qiyin vazifa, bu juda qiyin. Ammo men bunday bosimga qarshi turishdan va jamoada muhim rol o‘ynashdan mamnunman», - deya Kovachichning so‘zlarini keltirmoqda «Manchester Siti» matbuot xizmati.
