Mbappening Fransiya terma jamoasiga chaqirilmaganining asl sababi ma’lum bo‘ldi

Ispaniya OAVlarida Kilian Mbappening Fransiya terma jamoasiga chaqirilmagani bo‘yicha yangi ma’lumotlar paydo bo‘ldi. Shu tariqa, “Real” hujumchisining o‘zi Didye Deshamdan uni Millatlar ligasi o‘yinlariga chaqirmaslikni so‘ragan ekan.

Jurnalist Xose Luis Sanchesning yozishicha, Mbappe Deshamga optimal formaga kirishi kerakligini aytgan. Bu vaqt va izchil mashg‘ulotlarni talab qiladi. Shu bois Kilian terma jamoadagi tanaffus vaqtida “Real”da qolishni so‘radi.

Oldinroq Deshamning o‘zi Kilian Mbappening Fransiya terma jamoasining noyabr oyidagi o‘yinlariga chaqirilmagani bevosita uning qarori ekanini aytgandi.