Venesuela prezidenti Putinni Ronalduga qiyosladi

Venesuela prezidenti Nikolas Maduro Rossiya Federasiyasi rahbari Vladimir Putinni "An-Nasr" va Portugaliya terma jamoasi hujumchisi Krishtianu Ronaldu bilan solishtirdi.

"Yangi dunyoning, BRIKS davlatlarining o‘ttiz nafar davlat rahbari bo‘lgan va u barcha delegasiyalarni, ikki tomonlama uchrashuvlarni qabul qilgan va yalpi majlisda ishtirok etdi. Shubhasiz, biz siyosiy tilda aytishimiz mumkin: Prezident Vladimir Putin - xalqaro siyosat yulduzi. BRIKSni birlashtirgan Qozondagi tarixiy sammitda katta muvaffaqiyatga erishildi. U tug‘ma to‘purar, xuddi Krishtianu Ronaldu kabi to‘purar", - dedi Maduro "RIA Novosti" bilan suhbatda.

BRIKSning Qozondagi sammiti 22-24 oktyabr kunlari bo‘lib o‘tdi.