Yevropa ligasi. «MYU» g‘alaba qozondi, «Tottenxem» yutqazdi, «Roma» durang o‘ynadi
Yevropa ligasi 4-turidan o‘rin olgan 17 ta uchrashuv 7 noyabr oqshomida bo‘lib o‘tdi.
«Manchester Yunayted» o‘z uyida PAOKni mag‘lub etdi (2:0). Mazkur o‘yinda Amad Diallo dublga erishdi.
«Galatasaroy» va «Tottenxem» jamoalari o‘rtasidagi bahsda turkiyaliklar 3:2 hisobida g‘alaba qozonishdi. Istanbulliklar safida Viktor Osimxen ikkita gol muallifi bo‘ldi.
Joze Mourinyo boshqaruvidagi «Fenerbaxche» esa safarda "AZ Alkmar"ga imkoniyatni boy berdi (1:3).
«Roma» Belgiyada «Yunion» klubi bilan durang o‘ynadi (1:1). Mazkur bahsni asosiy tarkibda boshlagan Eldor Shomurodov 55-daqiqada zaxiraga olindi.
Yevropa ligasida 4-turdan so‘ng «Lasio» 12 ochko bilan peshqadamlik qilmoqda. O‘n ochko jamg‘argan «Ayaks» va «Galatasaroy» klublari keyingi pog‘onani egallab turishibdi.
Yevropa ligasi, 4-tur natijalari:
«Nissa» (Fransiya) – «Tvente» (Niderlandiya) — 2:2;
«Styaua» (Ruminiya) – «Midtyullann» (Daniya) — 2:0;
«Elfsborg» (Shvesiya) – «Braga» (Portugaliya) — 1:1;
«Budyo-Glimt» (Norvegiya) – «Qorabog‘» (Ozarboyjon) — 1:2;
«Galatasaroy» (Turkiya) – «Tottenxem Xotspur» (Angliya) — 3:2;
«Yunion» (Belgiya) – «Roma» (Italiya) — 1:1;
«Ludogores» (Bolgariya) – «Atletik» Bilbao (Ispaniya) — 1:2;
«Olimpiakos» (Gresiya) – «Reyndjers» (Shotlandiya) — 1:1;
«Ayntraxt» Frankfurt (Germaniya) – «Slaviya» Praga (Chexiya) — 1:0;
RFSH (Latviya) – «Anderlext» (Belgiya) — 1:1;
«Xoffenxaym» (Germaniya) – «Lion» (Fransiya) — 2:2;
«Viktoriya Plzen» (Chexiya) – «Real Sosyedad» (Ispaniya) — 2:1;
«Dinamo» Kiyev (Ukraina) – «Ferensvarosh» (Vengriya) — 0:4;
«AZ Alkmar» (Niderlandiya) – «Fenerbaxche» (Turkiya) — 3:1;
«Manchester Yunayted» (Angliya) – PAOK (Gresiya) — 2:0;
«Ayaks» (Niderlandiya) – «Makkabi» Tel-Aviv (Isroil) — 5:0;
«Lasio» (Italiya) – «Portu» (Portugaliya) — 2:1.
