Xabi Alonso: "Bizni xatolarimiz uchun jazolashdi"

"Bayer" bosh murabbiyi Xabi Alonso "Liverpul"dan uchralgan mag‘lubiyat (0:4) haqida fikr bildirdi.

"Albatta, siz "Enfild"ga kelib, mag‘lub bo‘lishingiz mumkin. Ha, bunday hisobda mag‘lub bo‘lish yoqimsiz, bu ajoyib jamoa, ular bizni xatolarimiz uchun jazolashdi. Biz bu yerga kelib, kurashmoqchi edik, ma’lum bir nuqtaga qadar yaxshi o‘ynadik, ammo 20 daqiqa konsentrasiyani yo‘qotdik va mag‘lub bo‘ldik. Bu natijani qabul qilish va "Liverpul"ni g‘alaba bilan tabriklash qolgan xolos.

Bunday kutib olish uchun muxlislardan juda minnatdorman. Tashqaridan qaraganda, "Liverpul" nihoyatda muvozanatli jamoaga egadek ko‘rinadi, maydondagi barcha o‘yinchilar jiddiy mehnat qiladi", - deya Alonsoni iqtibos keltiradi Amazon Prime.