Xabi Alonso kelajagi borasida qachon qaror qabul qilishi ma’lum bo‘ldi
"Bayer" bosh murabbiyi Xabi Alonso muntazam ravishda futbol mish-mishlar olamining qahramoniga aylanadi.
Yosh mutaxassis Karlo Anchelotti o‘rniga "Real Madrid" bosh murabbiyi sifatida favorit deb atalmoqda. Marca nashri xabariga ko‘ra, Alonso kelajagi borasida bir necha oy ichida, aniqrog‘i mart oyida qaror qabul qiladi.
O‘tgan mavsumda "Bayer" boshqaruvida Alonso Bundesliga va Germaniya kubogini qo‘lga kiritdi. "Dorishunoslar" Yevropa ligasi finaliga ham yetib borishdi va u yerda "Atalanta"ga imkoniyatni boy berishdi. Endilikda, o‘n turdan keyin "Bayer" Germaniya chempionati turnir jadvalida to‘rtinchi o‘rinda bormoqda.
