Xabi Alonso Slotning "Liverpul"i haqidagi fikrlari bilan o‘rtoqlashdi

"Bayer" bosh murabbiyi Xabi Alonso "Liverpul"ning Arne Slot qo‘l ostidagi kuchini baholadi.

Seshanba kuni merseysaydliklar o‘z uyida Chempionlar ligasi o‘yinida Leverkuzendan kelgan mehmonlarni qabul qiladi.

"Liverpul" ajoyib damlarni boshdan kechirmoqda. Men Arne Slotni "Feyenoord"da ishlagan paytlaridayoq kuzatganman, uning yondashuvi menga tanish. Slot futboli va "Liverpul" shiddati ajoyib aralashmadir. Shuning uchun ular Premyer-ligada peshqadamlik qilmoqda. Bu jamoa hamma narsada kuchli.

Murabbiy uch oy ichida ajoyib ish qildi. "Enfild"dagi o‘yin biz uchun katta sinov bo‘ladi. Ayni paytda "Liverpul" Yevropadagi eng yaxshi jamoalardan biri. Bizning o‘z rejamiz bor. Ko‘ramiz, nima bo‘ladi," - deya Alonsoning so‘zlarini keltirmoqda jurnalist Jeyms Pirs.