Gvardiola: "Odamlar "Manchester Siti"dan har mavsum trebl yutishini kutishadi"

"Manchester Siti" bosh murabbiyi Pep Gvardiola jamoadan kutilayotgan narsalar haqida gapirdi.

Shanba kuni "shaharliklar" bu mavsumda Premyer-ligada ilk bor "Bornmut"ga yutqazib qo‘ydi (1:2). Seshanba kuni Angliyaning amaldagi chempioni Lissabonda "Sporting" bilan ECHL uchrashuvi o‘tkazadi.

"Bilaman, odamlar biz barcha 38 ta o‘yinda 5:0 hisobida g‘alaba qozonishimiz, har mavsumni trebl bilan yakunlashimizni kutishadi, chunki bu bizning standartimiz.

Lekin men standartlarimizni bilaman. APLda bitta o‘yinda yutqazdik. Ehtimol, biz "Brayton," "Tottenxem," "Liverpul" va boshqalarga yutqazarmiz. Lekin hozircha bizda faqat bitta mag‘lubiyat bor! Biz "Liverpul"dan bor-yo‘g‘i ikki ochkoga orqada qolmoqdamiz," - deya Gvardiolaning so‘zlarini keltirmoqda City Xtra.