Menyan Mbappening "Real"dagi holati haqida fikr bildirdi
"Milan" darvozaboni Mayk Menyan terma jamoadoshi Kilian Mbappe haqidagi savolga javob berdi.
Seshanba kuni "Real Madrid" forvardi "Santyago Bernabeu"da bo‘lib o‘tadigan Chempionlar Ligasi o‘yinida "rossonerilar" darvozabonini xafa qilishga urinib ko‘radi.
"Mbappe? Biz tez-tez muloqot qilamiz. Kilian kuchli futbolchi, garchi u hozir qiyin kunlarni boshdan kechirayotgan bo‘lsa-da. Uning "Real"da muvaffaqiyat qozonishiga shubha qilmayman", - dedi fransiyalik darvozabon matbuot anjumanida.
"Real Madrid" - "Milan" uchrashuvi Toshkent vaqti bilan soat 01:00da boshlanadi.
