Peti: "Arsenal" tavakkal qilib, Pogbani sotib olishi kerak"

Fransiya terma jamoasining sobiq yarim himoyachisi Emmanuel Peti yarim himoyachi Pol Pogbaning “kanonirlar” lageriga kelishi mumkinligi haqida fikr bildirdi.

Rostini aytsam, “Arsenal” tavakkal qilib, Pol Pogbani sotib olishi kerak. U maydonda bor kuchini beradi.

Uning to‘liq jismoniy holatiga qaytishi uchun bir necha hafta kerak bo‘ladi, lekin u qattiq harakat qiladi.

Uning motivasiyasi bor, bu Mikel Arteta kabi menejer uchun bebahodir. Pogba "Arsenal" yarim himoyasiga juda mos tushadi, u baland bo‘yli, kuchli va juda ijodkor futbolchidir.

Biz hammamiz Pogba baxtli bo‘lganida qanchalik yaxshi o‘nashini bilamiz, unga sevgi va ishonch kerak, menimcha, Arteta va «Arsenal» unga buni taklif qilishlari mumkin", - deya Petining so‘zlarini keltirgan DAZN nashri.