Sanya Pogbani yana APLda ko‘rmoqchi

Londonning «Arsenal» klubi sobiq futbolchisi Bakari Sanya yarim himoyachi Pol Pogba faoliyatini qayerda davom ettirishi mumkinligini aytdi.

“Premyer-liga Polga mos keladi. Men uni «Arsenal»da ko‘rishni istardim. Hozir «kanonirlar» tarkibida yosh jamoa bor. Pogba yosh futbolchilar bilan o‘ynashni yaxshi ko‘radi. Shu tariqa u o‘zini imkon qadar samarali ko‘rsatishi mumkin”, — deya Bakari so‘zlarini keltiradi "The Sun".

Eslatib o‘tamiz, Pogbaning doping uchun diskvalifikasiya muddati 4 yildan 18 oyga qisqartirilgandi. Shu tariqa yarim himoyachi kelasi yilning bahorida futbol maydoniga qaytishi mumkin bo‘ladi.