Gallas: "Pogbaning APLga qaytishiga ishonmayman"
"Arsenal", "Chelsi" va "Tottenxem" klublarining sobiq futbolchisi Vilyam Gallas "Manchester Yunayted"ning sobiq yarim himoyachisi Pol Pogbaning APLga qaytishiga nima uchun ishonmasligini tushuntirdi.
"Pol Pogba Premyer-ligaga qaytishi mumkinmi? Men bunday deb o‘ylamayman, chunki Premyer-liga juda shiddatli futbol va biz Pogba uzoq vaqt o‘ynay olmasligini bilamiz.
U o‘ynash istagini ko‘rsatadi va ehtimol juda qattiq mashq qiladi, ammo Premyer-liganing butun mavsumi davomida ko‘p o‘yin o‘tkazish unga qiyin bo‘ladi.
"Arsenal" kabi klublar Pogbani olib kelishdan oldin ikki marta o‘ylab ko‘rishadi. Agar Pogba bilan shartnoma imzolasangiz, u butun mavsumni jarohatsiz o‘tkazmasligiga hech kim kafolat bermaydi, ayniqsa 31 yoshda", - dedi Gallas Goal bilan suhbatda.
