Olmo: "Barselona" bu mavsumda istalgan maqsadlariga erisha oladi"
"Barselona" yarim himoyachisi Dani Olmo "Espanyol" ustidan qozonilgan g‘alabadan so‘ng (3:1) intervyu berdi.
26 yoshli futbolchi ikki gol urib, kataloniyaliklarning derbida g‘alaba qozonishiga yordam berdi. Ispaniyalik futbolchi uchun bu jarohatdan keyingi asosiy tarkibdagi ilk uchrashuv bo‘ldi.
"G‘alaba qozonishda davom etish muhim. "Espanyol" bor kuchini berishini bilardik, ammo sifatli o‘yin ko‘rsata oldik. O‘zimni yaxshi his qilyapman, yana gol urishni juda xohlardim.
Jamoamizda ko‘pchilik gol urishga qodir - nafaqat hujumchilar, balki boshqa pozisiyalarda o‘ynaydiganlar ham. Bugun bizda yana ko‘plab golli vaziyatlar bo‘ldi. Bu mavsumda istalgan maqsadlarga erisha olamiz", - dedi Olmo Marca nashriga bergan intervyusida.
