"Barselona" Devisni qo‘lga kiritishda qiynaladi - buning sababi bor
"Barselona" "Bavariya"ning chap qanot himoyachisi Alfonso Devis bilan shartnoma imzolashdan manfaatdor.
Kanadalik futbolchi mavsum oxirida erkin agentga aylanishi mumkin. "Barselona" 24 yoshli futbolchini o‘z safiga jalb qilmoqchi, lekin kelishuvni amalga oshirish oson bo‘lmaydi. Diario Sport xabariga ko‘ra, Devis yiliga 10 million yevro maosh va katta sharnoma bonusini talab qilmoqda.
"Manchester Yunayted" va "Real Madrid" ham Alfonso Devisga qiziqish bildirmoqda. "Bavariya" hali ham futbolchi bilan shartnomani uzaytirishni istisno qilmaydi.
