"Real" va "Atletiko"ning jami gollari "Barselona"nikidan kam

“Barselona” joriy La Liga mavsumida urilgan gollar sonini 40 taga yetkazib oldi.

Xans-Diter Flik jamoasi bu ko‘rsatkichga bor-yo‘g‘i 12 turdan so‘ng erishdi. Ayni damda "ko‘k-anorranglilar"ning gollari "Real Madrid" va "Atletiko Madrid"ni birlashtirgandan ko‘ra ko‘proq (39ta), deya qayd etadi Barca Universal.

"Qaymoqranglilar" 11 uchrashuvda raqiblar darvozasini 21 bor ishg‘ol qilgan bo‘lsa, "matraschilar" 12 uchrashuvda 18 ta gol urishga muvaffaq bo‘lishdi.

Ayni paytda "Real" va "Atletiko" turnir jadvalida "Barselona"ning asosiy ta’qibchisi bo‘lib turibdi.

Kataloniyaliklar 33 ochko bilan peshqadamlik qilgan bo‘lsa, Karlo Anchelotti va Diyego Simeone jamoalari mos ravishda 24 va 23 ochko jamg‘argan.