La Liga. "Atletiko" "Las-Palmas"ni mag‘lub etdi

Ispaniya chempionatining 12-turidan o‘rin olgan “Atletiko” o‘z maydonida “Las-Palmas”ni mag‘lub etdi – 2:0. Uchrashuv "Metropolitano" stadionida bo‘lib o‘tdi.

Uchrashuvdagi gollarga Juliano Simeone va Aleksandr Serlot mualliflik qilishdi. Jamoa bosh murabbiyi Diyego Simeonening o‘g‘li 21 yoshli Juliano uchun bu uning Madrid klubidagi debyut goli bo‘ldi.

“Atletiko” 23 ochko jamg‘arib, La Liga turnir jadvalida uchinchi o‘ringa ko‘tarilib oldi. “Las-Palmas” 9 ochko bilan 18-o‘rinda bormoqda.