"Espanyol" bosh murabbiyi: "Barselona"ning zaif tomonlari bor"
"Espanrl" bosh murabbiyi Manolo Gonsales "Barselona" bilan bo‘lajak o‘yin haqida gapirdi.
Derbi yakshanba kuni, Toshkent vaqti bilan soat 20:15da boshlanadi. Ayni damda "ko‘k-anorranglilar" ishonchli tarzda turnir jadvalida "Real"dan 6 ochkoga o‘zib ketishmoqda. Avvalgi turda Xans-Diter Flik shogirdlari "Los-Blankos"ni yirik 4:0 hisobida mag‘lubiyatga uchratgandi.
"Biz ertangi o‘yinda hayvonlar kabi yuguramiz", dedi Gonsales o‘yinoldi matbuot anjumanida. - "Barselona"ning zaif tomonlari bor. Biz g‘alaba qozonish niyatidamiz", - deya La Liga jadvalida 17-o‘rinni egallab turgan "Espanyol" bosh murabbiyining so‘zlarini keltiradi Managing Barca.
