"Bayer" Alonso 2025 yilda "Real"ga ketishiga ishonmoqda

Relevo xabariga ko‘ra, Madrid klubi o‘zining sobiq futbolchisini Karlo Anchelottining vorisi sifatida ko‘rmoqda. Mavsum oxirigacha italiyalik bilan xayrlashish rejasi yo‘q, uni juda hurmat qilishadi va kelajakda klub elchisi lavozimini taklif qilishlari mumkin.

"Bayer" bosh murabbiyi futbolda an’analar va yangi ish uslublarini o‘zida mujassam etgan mutaxassis sifatida ko‘rilmoqda. Rahbariyat uni yosh va iqtidorli o‘yinchilar bilan to‘ldirilgan jamoani quvvatlantirish va boshqarishga qodir, deb hisoblaydi.

Qayd etilishicha, nemis klubi o‘tgan mavsum oxirida, Yurgen Klopp ketganidan so‘ng ispaniyalik “Liverpul”ni boshqarishdan bosh tortganida, bunday rivojlanishga tayyor edi.