"Real" 150 million yevro evaziga superyulduz transferini tashkil qilmoqchi

Yozda Madridning “Real” klubi hujumchi Kilian Mbappeni o‘z safiga qo‘shib oldi. Madrid klubi yaqin kelajakda yana bir yuqori maqomga ega forvard bilan shartnoma imzolashi mumkin.

Sky Sports nashri xabar berishicha, Erling Xoland "qaymoqranglilar"ning loyihasiga qiziqmoqda. Norvegiyalik super-to‘purar o‘z atrofidagilarga tez orada "Real Madrid" libosini kiyib ko‘rish istagini bildirgan.

Manbaning ta’kidlashicha, Erling Xolandning "Manchester Siti" bilan amaldagi shartnomasida 150 million yevroga sotib olish varianti mavjud. Madridning “Real” klubi ushbu variantni faollashtirib, norvegiyalikni sotib olishga urinishi mumkin. Xoland “Manchester Siti” safida 110 ta o‘yin o‘tkazib, 103 ta gol urgan.