Sonning "Manchester Siti"ga qarshi o‘ynashi dargumon

"Tottenxem" bosh murabbiyi Ange Postekoglu hujumchi Xyon Min Sonning ahvoli haqida fikr bildirdi. Mutaxassisning fikricha, janubiy koreyalik futbolchining Liga kubogida “Manchester Siti”ga qarshi o‘ynashi dargumon.

"Son deyarli formada, lekin biz unga faqatgina hafta oxirida ishonishimiz mumkin", dedi Postekoglu jurnalistlarga.

2024/2025 yilgi mavsumda Xyon Min Son sakkizta rasmiy uchrashuvda ishtirok etdi. Ularda "shporlar" sardori uchta gol va ikkita golli uzatmani amalga oshirdi.